Besluit inzake vastelaovend 2020-2021

25 september 2020

Obbeeg, september 2020

 

 

 

Bèste Reube en Reubinnekes,

 

 

Weer laeve in eine biezunjere tied mit vööl onzekerhede. Dat is natuurlik neet anges bie de Reube. Bie ’t organisere van evenemente mòtte weer aan vööl regelgaeving voldoon en die wil ver respektere. Dees regelgaeving sjtèlt òs op dit moment neet in sjtaot óm (al) òs aktiviteite op ein verantwoorde meneer door te laote gaon. Weer zeen dan aug tot ‘t volgende besjloet gekòmme:

 

·      Op 11 november òm 20.11 oer aöpene veer ’t sezoen op de gebruukelike meneer aan ’t Reubebeeld.

 

·      De Buute-aovend op 14 november kènt gein doorgang vènje.

 

·      In jannewari 2021 waere gein nuuj Hooghede oetgerope. Prins Ivo I en prinses Shirley, senioreprinses Mia en het jeugpaar Mathijs en Fiene zulle aanblieve zoadat ver ze in januari 2022, op òs gebruukelike én waardige meneer, kènne laote aaftraeje.

 

·      Weer gaon neet bie de pakke neerzitte en gaon kieke waat gaondewaeg ’t vastelaoves-sezoen WAAL meugelik is bènne de regelgaeving.                                                                 Haupelik kènne weer mèt de Vastelaovesdaag (twaede weekend van febrewari 2021) op ein of anger meneer toch SAAME òzze Obbeegse Vastelaovend viere !

 

·      Weer hawte uch via òzze facebookpagina én website op de heugte euver aktiviteite die ver wellich waal kènne laote plaatsvènje.

 

 

Blief veural gezòndj !!!

                                                                          De Reube Obbeeg