Zomerreces bie de Reube! Op de jaorlikse BBQ van de raod van èlf is gekroond tot nuuj keuningspaar: Roy Vd Velde en Jacqueline van der Velde-Vincken. Veer zeen te gas bie Schutterij Sint Willibrordus om te geneete van ein euverheerlik hèpke en drènkske.

Leef Reube & Reubinnekes, Gaer wille veer úch allemaol enorm bedanke veur de geweldige vastelaovend dae veer same höbbe gevierd in òs Reuberiek! Òs Prinse, Prinsesse en alle angere vastelaovesgèkke höbbe d’r intens van genaote! Bedank & tot volgend jaor!!

De muzikante en neet-muzikante die mittrèkke mit de Zaate Hermenie; 17.30u verzamele veer in de Hermeniezaal om van dao oet gezamelik nao ‘t voetbalterrein te gaon. Tot vanaovend!

De prieze sjtaon klaor! Vandaag maak òs Reuberiek zich op veur de groate optoch! Volges de aktuele veursjpellinge liek ‘t waer mit te gaon wirke. Òs Prinse en Prinsesse kieke oet nao eine ongetwiefeld geweldige optoch! Tot vanmiddig!

Nuuje inwoners in 't Reuberiek ! Op vastelaoves-zaoterdig zeen Raymond, Wendy en Pien Claessen verhoes nao de Obbeegter Mèrt 8. Es se op dees centrale plaats in òs dörp woons dan mòt d'r natuurlik ein Reubevlag aan de gevel hange. Ze zeen dan auch lid gewoore van De Reube en et oethange van de vlag is dan auch op de geveulige plaat vas gelag. Names De Reube wùnsje weer de fam. Claessen vööl gelök in de nuuje weuning. Alaaf !

Tied veur Don Kiesjot! Reube ALAAF!

Reubebal in ‘t Reuberiek! Vastelaovend same!! Reube ALAAF!

‼️ OPGELÈT ‼️ Zörg dat geer op tied in de Hermeniezaal aanwezig zeet. ‘T iearste optraeje sjteit gepland om 20.45! Tot vanaovend!

Vanmörge zeen veer op BS De Kingbaek (lokasie Obbeeg) veur ‘t aanbeeje van òs tradiesjonele Reube-ontbijt! Daonaeve höbbe veer van de gelegenheid gebroek gemaak om kleuterprinses Liza & Kleuterprins Finn I te decorere mit òs Reubesjpèld.

Oet hènj van de burgemeister haet Prinses Esther jùs de sjleutel ontvange, es teike van heur heerssjap euver òs Reuberiek! Daonaeve heije veer natuurlik òzze dansmariekes bie òs die ein geweldig optraeje verzörgde! Reube ALAAF!

Vanaovend zeen veer te gàs bie CV de Katers Holtum veur de Sjleuteleuverdrach van de auwt-gemeinte Bor!

Vanmiddig höbbe Jeugprins Mauro I & Jeugprinses Lynn de sjleutel ontvange van de auwt-gemeinte Bor. Op eine supergezellige middig, wobie zie same mit ein paar vriendjes en vriendinnetjes te gàs waore bie CV de Katers Holtum, reikde wethouder Pieter Meekels hun de sjleutel oet ès teike van hun heerssjap mit de jeug-vastelaovend in ‘t Reuberiek! Complimente veur de organisasie! ‘T waor eine zéér gesjlaagde middig!

De toekoms van ‘t Reuberiek! Gister en vandaag sjtaon volledig in ‘t teike van “de jeug”. Zo is os Prinses Esther gisteraovend op kraamvisite gewaes bie Nova & Keylani om hun ‘t fameuze ‘Reube-sjlèbberke’ aan te beeje. Vanmörge waor ‘t tied om op BS De Kingbaek (locatie Obbeeg) te gaon kieke welke groep ‘t befaamde sjpèk mit ei ontbijt zouw wènne. Groep 7/8 bleek de gelökkige wodoor zie kommende vriedig getrakteerd zulle waere op ein euverheerlik ontbijt! Vanmiddig geit òzze jeug nao de Jeugsjleuteleuverdrach bie CV de Katers Holtum! *De foto’s van álle knatsjgèkke polonaises, dènskes en angere activiteite op sjoal zulle veer vanwaege de AVG helaas neet publicere, mèr ‘t waor éch geneete!

Leef Reubkes & Reubinnekes, Aug dit jaor maoge veer wederom mèlje dat naeve de Hermeniezaal (Concordia Obbicht), de kantien (VV Obbicht) en de keet (Schutterij Sint Willibrordus) aug 't âwt sjöttelokaal (op de Bornerwaeg), baeter bekènd es òzze Reubetempel, aope zal zeen mit de vastelaovend in 't Reuberiek. Jos & Anita heijte uch van harte wèlkom op: ➡️Vriedig 1-3 (Aope 19.00 - 02.00) ➡️Zunjig 3-3 (Aope 11.00 - 02.00) ➡️Deensdig 5-3 (Aope 17.00 - 02.00) ➡️Goonsdig 6-3 (Aope 19.00 - 02.00) Dank aan álle oetbaters en vriewilligers van de versjillende vereiniginge die zich insjpanne veur de sjoane vastelaovend in 't Reuberiek!

🔜 Vastelaovend in 't Reuberiek! Vriedig trappe v'r de vastelaovend in òs sjoan Reuberiek tradisiesjoneel aaf mit 't Reubebal! Dit jaor zulle Don Kiesjot én Kartoesj zörge veur 't neudige vermaak! Deze aovend is d'r GEIN entree én is d'r eine pries veur de sjoanst verkleide. De Hermeniezaal is aope vanaaf 19.30u. Gaer tot vriedig!!

Vemiddig zeen v’r te gàs op missjien weal ‘t sjoanste plaetske van Obbeeg. Lekker geneete aan de maas bie Schutterij Sint Willibrordus!

Vandaag waor òs tradiesjonele dialecmès ès opmaot nao de drie dol daag die veur de deur sjtaon. Ein momènt van rös en bezinning, mèr daonaeve aug ‘t oetgelaeze moment om de nuuje scepter van òs Prinses Esther te zaegene. Veer bedanke pesjtoar, Linda & René en álle angere aanwezige veur hun biedrage!

Reube resepsie-tour #3! Aafsjloete doon we bie òs jubilerende bure van De Zawpense Beeg!

Reube resepsie-tour 2019 #2! Van bòr haet de karrevaan zich verplaats nao òs vrunj van VV Swentibolders òppe lèndjheuvel!

Reube resepsie-tour 2019 #1 Veer beginne de aovend bie òs vrunj van Vastelaovesvereiniging De Bessemebènjers Bor!

Venaovend zeen veer te gas bie de receptie van òs vrunj van CV De Perganaze! Mit vööl plezeer zeen v’r aanwezig om same mit dees fantastische luu eine gewèldige aovend te belaeve! Prins Marc l ALAAF!

🔜 Vastelaovesmès 2019 Kòmmende zunjig is 't tied veur ein volgend hoagtepuntj in 't vastelaovesseizoen van De Reube. Álle Reubkes en Reubinnekes zeen van harte wèlkom in de kirk, veur ein moment van rös en bezinning in aanloup nao de vastelaovend. De muzikale biedrage in de vastelaovesmès wurd, zwao wie gebruukelik, verzörg door Linda & René. Lèt op: de mès begint om 11.00u 🕚 ‼️ Nao aafloup van de mès is eederein van harte wèlkom in de Hermeniezaal om same 't glaas te hèffe op eine geweldige vastelaovend!🥂

Bèste Reubkes en Reubinnekes, Vastelaovesmaonjdig is ‘t weer tied veur òzze jaorlikse jeugmiddig. Dit jaor is ‘t thema: Cowboys & Indiane! 🤠 Veer zouwe ‘t sjiek vènje ès alle kènjer verkleid komme ès cowboy of indiaan, mèr niks is verplich! Veer houpe uch vastelaovesmaonjdig allemaol te zeen in ‘t sjöttelokaal aan de maas!